انا محد يزايد علي
أو
محد يزايد علينا
هالكلمة أو هالجملة ما نسمعها ألا من أعضاء مجلس الأمة
وهي جديدة على قاموسنا نسبيا
فقبل سنوات لم نكن نسمعها
وقد حاولت مراراً أن أستخدمها ولكني لم أجد المناسبة أو الوقت المناسب ولا أزال
ولكن بنفس الوقت خاطري أستعملها خصوصا أن احداً من الزملاء لم يستخدمها من قبل على حد علمي
و بودي أن أحاول أن أستخدمها اليوم في جمل مختلفة علها تكون في مكانها إن شاء الله
انا محد يزايد علي في مانشستر يونايتد
محد يزايد علي في كرهي لكرستيانو رونالدو من قبل لا ينتقل ومن بعد ما إنتقل من فريقنا
محد يزايد علي بالسياقة فأنا ثاني احسن واحد يسوق بالكويت والأول توفى الله يرحمه
انا محمد يزايد علي في معرفتي التامة بالمصريين
مو أنا الي يزايدون علي في موقفي من إستجواب وزير الداخلية حلوة هذي عجبتني
لاااااا ما تزايدون علينا في موقفنا من مطعم هارديز
محد يزايد على في كتابة البوستات وانا منسدح الي رقبني راحت
و إن شاء الله محد يزايد علي في التعليقات
هناك 25 تعليقًا:
فريج سعود لووول والله العظيم ذاك اليوم حاطة على الفيديو واسمعها واعيد وازيد على الكلمة واقول شلون يعني ازايد وتزايد علي ...
وصرت بالبيت انطر احد يزفني علشان اقول لحد يزايد علي لووول
كويتيين كل شوي طالعين بكلام يديد
كله من العربية والجزيرة ..
ما يسمعون كلمه من التلفزيون الا قاموا يبربرون بها علينا .. :)
جنك قاعد بصفاة جبد .. بس بدون مزايدات .. :)
انا اعتقد انها الشماعة اللي يعلق عليها نواب الامة تخاذلهم.. مع اختلاف التشبيه، ماكان له داعي ان النائب احمد السعدون يقولها لما رد على مرزوق الغانم يوم طرح قضية العراق.. حده مو محلها.. وشكو طرح قضية الولاء للكويت في البرلمان خصوصا بالمقارنة مع الغازي العراقي؟ يعني مو بالعها ماله داعي كلش..
شكرا على طرح الفكرة
و بالاصوات محد يزايد على محمد زويد .
و بشاعر المليون محد يزايد على محمد بن زايد .
انا محد يزايد علي بحبك يابو سعوود
هههههه
ومبروكين على المدونة اليديدة
اسمحى لى انى مررت على مددونتك بالصدفة وقرات اصدارك الخاص بالمزايدة معذرة اختى فانه من الواضح ان لك وجة نظر سياسية معينه ولكن مااريد معرفته هل تستنكرين الكلمه ام تشجعينها عموما اسلوبك جميل يجمع مابين الأسلوب الجاد والساخر تقبلى مرورى واتمنى التواصل
ماشاءاللــــــــه
محد يزايـــد عليك
بوستين بنفس الوقت
وإشفيهم المصريين أقدع ناس
لغة التفاهم ويايهم الإشاره
:)))
وانا محد يزايد علي بكرهي لكرستيانو رونالدو من قبل ما ينقل لمدريد ومن بعد ما انقل له.
مو خووووووش بداية .. اولها اشراف عالتعليقات :)
زايد الاشراف هالايام مادري منو مشلخ المدونات وخايفيين منه
Common_Sense
لووووول انت وغيرك يرد باحترام بس وايد ناس تدش تغلط ... ويحطون كلمات مش كويسة :p
فننظف مدونتنا من هالتعليقات ..
لك منا كل الاحترام والتقدير وسامحنا على الاشراف :)
صحيح يا اخوي فريج سعود محد يزايد على احد وهذا الي الكل يبيه العموم يتفق على وجهة نظر وحده
انا هم محد يزايد علي بالنحشه اكثر واحد من الهوشات لوووول
وانا محد يزايد علي بكرهي لماما انيسه
لاني اذكر موقفي وياها بالروضه وللحين شايلتها بقلبي
وعل البركه المدونه الجديده
لووووول
حرام عليج شنو الموقف؟ ؟
قولي قولي
انا اشهد انه محد يزايد عليك ولااحد يزايد علي بغلاتك
اهنئكم على هذه الفكره الجديده
انا اشهد انه محد يزايد عليك ولااحد يزايد علي بغلاتك
اهنئكم على هذه الفكره الجديده
looool اي والله سالفة يديدة هذي محد يزايد علي p:
خلنستعملها كلنا عشان باجر يدورولهم تعلوقه ثانية
بفضل حكومتنا الرشيده صرنا طوفه هبيطه
وصار الكل يزايد علينا مع الأسف
بس تأبه المروئه
وما أقول إلا المثل الشهير
لحلحلوح لحلوح قول لاح ... لاح
ليش حرام علي بقول الموقف الي ذاكرته بحذافيره ليلحين من كان عمري خمس سنين وكنت بثانيه روضه وقالتلي ابلتي ان بتجينه ماما تعيسه قصدي انيسه ولازم تلبسون لبس شعبي وتجيبون اكلات كويتيه قديمه وانا الله يسلمج جبت رهش وزلابيه ودرابيل وقيمات وامي حطتهم بسلة قديمه علشان يبين ان ستايل اول ولبستني الثوب والبخنق وكنت مستانسه لاني بطلع بتلفزيون واثاريه يوم لاينسا بمذكرتي ولما جتنا ماما انيسه وانا جايبه العده والبسمه شقاقه ولايقولون بنصور وانتي قولي ان هذا رهش وهذا زلابيه وهذادرابيل وانا اقول بس ماعرف اقول زلابيه صعبه علي وقفو تصوير وقامت اتصرخ وتزف والله خرعتني ترا اهيا عند الكامره تضحك واول مايوقفون الكامره اتعصب وتصارخ
فكان موقف لايعلا عليه:(
@@
صدمتيني لوووووووووول
بجيتي ؟؟ لووول يمكن متعكر مزاجها المرة لوووول امبي زين مايت لروضتنا بحزتي كنت مطربة الروضة لوووول بس ماسمعت صوتي راح عليها لووول
ماعليه قلبي اخيييي صج اليهال يشيلون بخاطرهم معلش علشان خاطري سامحيها انا ساعات ازف الي جدامي لمن اكون متوترة والله ماحس بنفسي مو معقولة بتكون ملاك مثلا :) لووول كسرتي خاطري لووول
لا ما بجيت بس ابتسمت لان انا لي احد زفني ابتسم من صدمة الزفه
فعشان جذي ماحب انزف لاني اطلع جني خبله:"
@@
صدميني اكثر@@
عاد اليهال كانوا يحبونها الظاهر ويهج شري لوووول
ماعليه مسحيها بويهي ...
أنا ماما سارة حدي حبوبة لوووول
كلش كلش كلش ماطق اليهال ولا اصرخ عليهم كلش ملش لووول
حرام عليج انا وجهي شري بالعكس عشان تعرفيني انا كل اضحك حتى لو الموقف يطفر ولايضيق الخلق تلاقيني مبتسمه
وبعدين سالي كل اليهال الي سووياها اللقاء بيقولولج نكرها
وخلاص بناديج من اليوم ورايح ماما ساره وبنخليج خليفة ماما انيسه لي صار فيها شي
لوووووووووووووووووووووول
بسأل كل طفل بالكويت لووول
ياطفل الكويت ارسم فرحتك خلي الدنيا حلاوة ضحكتك لووووووول
فديتنج والله
" وصرت بالبيت انطر احد يزفني علشان اقول لحد يزايد علي لووول "
لوووووووووووووول ماادري ليش فصلت ضحك
خوش بوست محد يزايد عليه
اختج : مريوم - الكويت بلاد الهبات
بعد خشمي مريوم
على فكرة صاحب الموضوع هو فريج سعود :)
جان تبي الصج ما ينلام لا قالها بوعبدالعزيز ,لان بوعلي الله يهديه مداخلته جنها فيها تشكيك بالمعارضين على كشف المعلومات والالتزام بالقرار الدولي ,يعني عبارة من حق الشعب الكويتي يعرف جنه يقول هاا السعدون خايف من شنو اذا اطلعت المعلومات لك شبهة بالموضوع ,فبوعبدالعزيز فطين كعادته رد عليه واضاف محد يزايد علينا ,وسالفة الغزو يرددونها على احمد السعدون لانه كان له ميول بالقوميون العرب وكان موقفهم مع الغزو الصدامي وتبرى منهم بوعبدالعزيز ورفض ان يقابلهم هذي كل السالفة وليش قالها السعدون بس انا محد ذبحني بالموضوع الا علي الراشد ودي اعرف شكو داش بالموضوع مادري ,امره غريب والله تغير 180 درجة عن قبل ,ويعطيك الف عافيه خيوو.
إرسال تعليق